काठमाडौं, भदौ ६ – भ्रष्टाचारी ठहर पुर्व मन्त्री तथा काँग्रेस नेता खुमबहादुर खड्कालाई जेल चलान गरिएको छ । सर्वोच्च अदालतबाट भ्रष्टाचारी ठहर भएको ९ दिनपछि फैसला कार्यान्वयनका लागि काठमाडौ जिल्ला अदालतमा हाजिर भएका खड्कालाई सदरखोर डिल्ली बजार लगिएको काठमाडौ जिल्ला अदालतले जनाएको छ ।सर्वोच्च अदातले साउन ३० गते पदमा रहदा पदको दुरुपयोग गरि भ्रष्टाचार गरेको ठहर गर्दै डेढ बर्ष कैद तथा ९४ लाख, ७४ हजार १ सय २२ रुपैयाँ वीगो र त्यतिनै जरीवानाको फैसला गरेको थियो । ६० दिनभित्र अदालतमा उपस्थित भएका कारण खड्कालाई तोकिएको सजायमा २० प्रतिशत कमी हुनेछ ।खड्काले सर्वोच्च अदालतको पुर्ण इजलासमा मुद्दाको पुनरावलोकनको निवेदन दिने भनिएपनि खड्का अदालत जानुभएको थियो । खड्काले जेलबाटै पनि पुनरावलोकन गर्न सक्ने पारिवारिक श्रोतले जनाएको छ ।