काठमाडौ , श्रावण १० - सत्तासिन दलहरुले भावी निकासको स्वरुप बनेपछि मात्रै सरकार छोड्ने निस्कर्ष निकालेका छन् । कांग्रेस र एमालेले पहिले सरकार छाडेर निकासको बाटोमा जानुपर्ने बताइरहेका बेला सरकार समर्थक एकीकृत नेकपा माओवादी र मधेसी मोर्चामा रहेका दलहरुले संविधानसभा वा संसद के को चुनाव गर्ने भन्नेमा सहमति भएपछि मात्रै सरकार छाड्नेमा छलफल गर्नुपर्ने सहमति गरेका हुन । बिहान प्रधानमन्त्री निवास वालुवाटारमा बसेको बैठकमा यसअघि भएको पाँचबुदे सहमतिको अर्थ नरहेकाले अब नयाँ सहमतिको प्रकि्रयामा जानुपर्ने निस्कर्ष पनि निकालेको सदभावना पार्टीका अध्यक्ष राजेन्द्र महतोले जानकारी दिनुभयो । नयाँ सहमति अनुसार सरकारको नेतृत्व कांग्रेसको पनि हुन सक्ने अरुदलको पनि हुनसक्ने महोताले ्र बताउनुभयो । सरकारले मंसिर ७ गतेका लागि संविधानसभाको चुनाव घोषणा गरिसकेकाले सरकारले पहिलो प्राथमिकता चुनावमा दिनुपर्ने पनि सत्तासिन दलले निर्णय गरेका छन् । वैठकमा उप्रधानमन्त्री तथा परराष्ट्रमन्त्री नारायणकाजी श्रेष्ठ प्रकाशले सरकारले गरेको सम्झौताको विरोध गरेको भन्दै आलोचना पनि भएको थियो ।