२५ असार, काठमाण्डौ । एकीकृत माओवादीका अध्यक्ष पुष्पकमल दाहाल प्रचण्डका छोरा प्रकाश दाहाल ५ दिनदेखि वेपत्ता छन् ।

५ दिनअघि लाजिम्पाटस्थित घरवाट मोटरसाईकल लिएर निस्केका प्रकाश आजसम्म परिवारको समेत सम्पर्कमा आएका छैनन् ।पिता प्रचण्ड र माता सिता तथा दाई समिर दाहाललाई समेत जानकारी नै नदिई घरवाट निस्केका प्रकाश केटीसाथीसंग कतै गएको हुन सक्ने परिवारको आशंका छ । प्रकाशको केही महिना सगरमाथा आरोहण गर्दा टोलीमा रहेकी सरस्वती क्याम्पसकी स्वबियु सभापति विना मगरसंग प्रेम सम्वन्ध रहेको आशंका गरिएको थियो । परिवारले उनीसँगै प्रकाश कतै गएको आशंका गरेका कारण खासै खोजीसमेत नगरेको बताइएको छ । स्रोतका अनुसार उनीहरु दुवैजना (प्रकाश र विना) दिल्ली गएको वुझिएको छ ।प्रचण्ड पुत्र प्रकाशले एकीकृत माओवादीकै सचिव पोष्टवहादुर बोगटीकी छोरी प्रभा बोगटीसंगको सम्वन्धविच्छेदपछि दोस्रो बिहे गरेका थिए । वैबाहिक सम्बन्धबाट उनीहरुको एक छोरासमेत जन्मिएका छन् ।